ബൈക്ക് ആക്സിടെൻറ്റിൽ മരണപ്പെടുന്ന 90% ആളുകളും ഹെൽമെറ്റ്‌ ഉപയോഗിക്കാത്തവർ

മലയാളികൾ പൊതുവെ ഹെൽമെറ്റ്‌ ഉപയോഗിക്കുന്നത് പോലീസിനെ പേടിച്ചാണ് , അത് കൊണ്ട് തന്നെ ഹെൽമെറ്റ്‌ ഉപയോഗിക്കുവാൻ പലർക്കും മടിയാണ് . പക്ഷെ ഹെൽമെറ്റ്‌ എന്നത് സ്വന്തം സുരക്ഷക്കായാണ് എന്നും അത് പോലിസ് ചെക്കിങ്ങിൽ നിന്നും രക്ഷപ്പെടാനുള്ള ഒരു ഉപകരണമല്ല എന്നും മലയാളികൾ തിരിച്ചറിയേണ്ടതായുണ്ട് . അങ്ങനെ ചിന്തിച്ച് ഹെൽമെറ്റ്‌ ധരിച്ചാൽ ഒരിക്കലും അതൊരു ബുദ്ധിമുട്ടായി തോന്നില്ല . ബൈക്ക് ആക്സിടെന്റിൽ മരണപ്പെടുന്ന ആളുകളിൽ 90% ആളുകളും ഹെൽമെറ്റ്‌ ഉപയോഗിക്കാത്തവരോ അല്ലെങ്കിൽ ഹെൽമെറ്റിന്റെ സ്ട്രാപ് ശരിയായി മുറുക്കാത്തവരോ ആണ് . ഹെൽമെറ്റ്‌ വെറുതെ പേരിനു ധരിച്ചാൽ മാത്രം പോര അതിന്റെ സ്ട്രാപ് ശരിയായി മുറുകുന്ന രീതിയിൽ തന്നെ ലോക്ക് ചെയ്യുകയും വേണം.

മനുഷ്യന്റ്റെ തലയോട്ടിക്ക് മുട്ടയുടെ ഷേപ്പ് ആണ് അതാണെങ്കിൽ ഷോക്കിൽ പൊട്ടുന്ന രീതിയിലും ആണ് . ഹെൽമെറ്റ്‌ ധരിക്കുന്ന ഒരു വ്യക്തി ആക്സിടെന്റ്റിൽ പെടുമ്പോൾ ആദ്യം  ഇടി വരുന്നത് ഹെൽമെറ്റിന്റെ പുറം തോടിലാണ് അതിനുള്ളിൽ കട്ടിയുള്ളതും ഫ്ലെക്സിബിളും ആയ ഭാഗം ആണ് തലയോട്ടിയോടു ചേർന്ന് വരുന്നത് അതിനാൽ തന്നെ  തലയോട്ടിയിലേക്ക് വരുന്ന ആഘാതം കുറയുന്നു .

ഇതിലും പ്രധാനപ്പെട്ട മറ്റൊരു കാര്യം ടൂ വീലറിന്റ്റെ  സ്പീഡ് നിയന്ത്രണം ആണ് , അതും വളരെ അധികം ശ്രദ്ദിക്കേണ്ട കാര്യം ആണ്.



Nisamudheen ALI
alinisamudheen@gmail.com

സെക്കൻറ് ഹാൻഡ്‌ സാംസങ് ഫോണ്‍ വാങ്ങുമ്പോൾ ചെക്ക്‌ ചെയ്യുന്നത് എങ്ങിനെ എന്ന് നോക്കൂ

ആണ്ട്രോയിട് ഫോണുകൾ അരങ്ങു വാഴുന്ന സ്മാർട്ട്‌  ഫോണ്‍ വിപണിയിൽ ഏറ്റവും അധികം വിറ്റഴിക്കപ്പെടുന്ന ഫോണുകൾ സാംസങ് എന്ന കമ്പനിയുടേതാണ്. അതിനാൽ തന്നെ സെക്കൻറ് ഹാൻഡ്‌ മാർകെറ്റിലും  നിറഞ്ഞു നിൽക്കുന്നത് സാംസങ് ഫോണുകൾ തന്നെ. സെക്കൻറ് ഹാൻഡ്‌ ഫോണുകൾ വാങ്ങുന്നതിന് മുമ്പ് വളരെ അധികം ചെക്ക്‌ ചെയ്യേണ്ടതുണ്ട് , എന്നാൽ എന്താണ് ചെക്ക്‌ ചെയ്യേണ്ടത് എന്ന് നമുക്ക് നോക്കാം.

1.ആദ്യം തന്നെ ഫോണിൻറെ ബോഡി നന്നായി ചെക്ക്‌ ചെയ്യുക ,പോറലുകളും മറ്റും ഉറപ്പായും കാണും ,എന്നാൽ  കൂടുതലായി കാണുന്നുണ്ട് എങ്കിൽ ഫോണ്‍ റഫ് ആയി ഉപയോഗിച്ചിരിക്കാനുള്ള സാധ്യധ കൂടുതലാണ്. റഫ് ആയി ഉപയോഗിച്ച ഫോണുകൾക്ക് കംപ്ലയിന്റ് വരാനുള്ള സാധ്യധ കൂടുതലുമാണ് 

2. ഫോണിൻറെ ചാർജെറും ചാർജിംഗ് പോർട്ടും ചെക്ക്‌ ചെയ്യുക 

3.വൈ ഫൈ ഫോണ്‍ ആണെങ്കിൽ ,വൈ ഫൈ കൃത്യമായി വർക്ക്‌ ചെയ്യുന്നുണ്ടോ എന്ന് ചെക്ക്‌ ചെയ്യുക 

4. ഇയർ ഫോണ്‍ പോർട്ട്‌ വർക്ക്‌ ചെയ്യുന്നുണ്ടോ എന്ന് ചെക്ക് ചെയ്യുക.,ഒപ്പം തന്നെ മൈക് കൂടെ ചെക്ക്‌ ചെയ്യുക 

5. ഇനി മറ്റു കാര്യങ്ങൾ ചെക്ക്‌ ചെയ്യാനായി ഫോണിന്റെ ഡയലർ ഓപ്പണ്‍ ചെയ്തതിനു ശേഷം *#0*#  ഡയൽ ചെയ്യുക , അപ്പോൾ താഴെ കാണുന്ന രീതിയിലുള്ള സ്ക്രീൻ കാണാം , അതിൽ നിന്നും ഫോണിൻറെ ഡിസ്പ്ലേ,കളർ ,സ്പീക്കർ,റിസീവർ സ്പീക്കർ,  വൈബ്രേഷൻ ,സ്ക്രീൻ ലൈറ്റ് ഡിമ്മിംഗ്, ക്യാമറ, പല തരം സെൻസറുകൾ, ടച്ച്‌, സ്ലീപ്‌മോഡ് , ഫോണിലെ മറ്റു സ്വിച്ചുകൾ എന്നിവ ചെക്ക്‌ ചെയ്യാം 

Nisamudheen ALI
alinisamudheen@gmail.com

കാർ ബ്ലൂടൂത്ത് സ്പീക്കറുകൾ ഇനി കുറഞ്ഞ വിലയിൽ

വാഹനം ഓടിക്കുമ്പോൾ മൊബൈൽ ഫോണ്‍ ഉപയോഗിക്കാൻ പാടില്ല എന്നുള്ളത് എല്ലാവർക്കും അറിയുന്ന കാര്യം തന്നെ; പക്ഷെ ചില അത്യാവശ്യ സമയങ്ങളിൽ പലരും അത് തെറ്റിക്കുന്നു . അത് മൂലം ഉണ്ടായേക്കാവുന്ന അപകടത്തിനു സാധ്യധ കൂടുതൽ ആണ് അതിനാൽ പലരും ബ്ലുടൂത് ഉള്ള മ്യൂസിക്‌ സിസ്റ്റം കാറിൽ ഉപയോഗിക്കുന്നു. പക്ഷെ ബ്ലൂടൂതോട് കൂടി വരുന്ന മ്യൂസിക്‌ സിസ്റ്റത്തിനു വില പൊതുവെ കൂടുതൽ ആണ്. അതിനാൽ തന്നെ പലരും അത് വാങ്ങുവാൻ മടിക്കുന്നു . ഇതിനു ചിലവ് കുറഞ്ഞ ഒരു പരിഹാരം ആണ് ഞാൻ ഇവിടെ നിർദേശിക്കുന്നത്.

ബ്ലൂടൂത്ത് ഹാൻഡ്സ് ഫ്രീ സ്പീക്കർ ആണ് ഇതിനുള്ള ചിലവ് കുറഞ്ഞ പരിഹാരം . 900 രൂപ മുതൽ 10000 രൂപ വരെ വില വരുന്ന പല ബ്ലൂടൂത്ത് സ്പീക്കറുകളും ഇന്ന് ലഭ്യമാണ് . ഇത് കാറിൽ എവിടെ വേണമെങ്കിലും ഫിറ്റ്‌ ചെയ്യാം കൂടാതെ ഉപയോഗിക്കുന്ന ആളുടെ സൗകര്യം അനുസരിച്ച് കൂടെ കൊണ്ട് നടക്കുകയും ആകാം

                          






Nisamudheen ALI
alinisamudheen@gmail.com

ഫോർഡ് ഇകോസ്പോർട്ടിനെ വെല്ലാൻ മാരുതിയുടെ കോംപാക്റ്റ്‌ SUV വരുന്നു

ഫോർഡ് ഇകോസ്പോർട്ടിനെ വെല്ലാൻ മാരുതിയുടെ കോംപാക്റ്റ്‌ SUV വരുന്നു

2014 പാരീസ് മോട്ടോർ ഷോയിൽ അവതരിപ്പിച്ച് 2015ൽ സുസൂകി ലോഞ്ച് ചെയ്യാൻ ഉദ്ദേശിക്കുന്ന വിതാര കോണ്‍സെപ്റ്റ് മോഡലിന്റെ ഡിസൈൻ ഉൾക്കൊണ്ട്‌ തന്നെയാണ് പുതിയ കോംപാക്റ്റ് SUV യും വരുന്നത്. നാല് മീറ്ററിൽ താഴെ നീളം വരുന്ന രീതിയിൽ ആയിരിക്കും കാറിന്റെ ഡിസൈൻ,  എക്സൈസ് ഡ്യൂട്ടിയിൽ ഇളവ് ലഭിക്കാൻ ഇത് അത്യാവശ്യമാണ് . കാറിന്റെ വില 7 ലക്ഷത്തിൽ തുടങ്ങുന്ന രീതിയിൽ ആകാനാണ് സാധ്യത. പക്ഷെ ഇത് വാങ്ങണമെങ്കിൽ 2016 വരെ കാത്തിരിക്കേണ്ടി വരും



Image Courtsey- Autocar India

മറ്റു ചിത്രങ്ങൾ കാണുവാൻ വിസിറ്റ് ചെയ്യൂ

http://www.carblogindia.com/suzuki-iv-4-concept-based-production-ready-c-suv-spied/


Nisamudheen ALI
alinisamudheen@gmail.com

മാരുതിയുടെ പ്രീമിയം ഹാച്ച് ബാക്ക് കാർ ഉടൻ വരുന്നു

മാരുതി S-CROSS എന്ന മാരുതിയുടെ പ്രീമിയം ഹാച് ബാക്ക് കാറാണ് മാരുതി ഇപ്പോൾ പരീക്ഷിക്കുന്നത് .

YRA എന്ന കോഡ് നെയിമിൽ ആണ് ഇപ്പോൾ മാരുതി ഈ കാർ പരീക്ഷിക്കുന്നത് . മാരുതിയുടെ സ്വിഫ്റ്റിന്റെ മുകളിലായിരിക്കും ഈ കാറിന്റെ സ്ഥാനം. ഹ്യുണ്ടായുടെ എലൈറ്റ് ഐ 20 യുമായിട്ടയിരിക്കും പുതിയ കാറിനു മത്സരിക്കേണ്ടി വരിക .V ഷേപ്പ് ഗ്രിൽ , ഡേ ടൈം റണ്ണിംഗ് LED എന്നീ ഫീച്ചറുകൾ ഉണ്ടായിരിക്കും എന്നറിയുന്നു. 2015 പകുതിയോടെ കാർ പുറത്തിറങ്ങിയേക്കും

ഫോട്ടോസ് കാണുവാൻ വിസിറ്റ് ചെയ്യുക

http://indianautosblog.com/2014/11/maruti-yra-hatchback-spied-158967

നിങ്ങളുടെ സ്വന്തം മൊബൈൽ ആപ്ലികേഷൻ നിർമിക്കാൻ നിങ്ങൾക്ക് ആഗ്രഹമില്ലേ?

വാട്ട്‌സ്ആപ് , ക്യാന്റി ക്രഷ് , സ്കൈപ്, ബാങ്ക് പാസ്സ്ബുക്ക് , ഫേസ് ബുക്ക് എന്നിവയിൽ ഏതെങ്കിലും ഒരു ആപ്ലികേഷൻ എങ്കിലും സ്മാർട്ട്‌ ഫോണ്‍ ഉപയോക്താക്കളുടെ ഫോണിൽ ഉണ്ടാകാതിരിക്കില്ല . ഈ ആപ്ലികെഷനുകൾ ഉപയോഗിക്കുമ്പോൾ എപ്പോഴെങ്കിലും ചിന്തിച്ചിട്ടുണ്ടോ ഇതൊക്കെ എങ്ങിനെ നിർമിച്ചു എന്ന് അല്ലെങ്കിൽ ഇത് നമുക്ക് സാധിക്കുന്ന ഒന്നാണോ എന്ന്. എങ്കിലിതാ നിങ്ങള്ക്കും സ്വന്തമായി ആണ്ട്രോയിട്‌ ആപ്ലികേഷൻ നിര്മിക്കാനുള്ള എളുപ്പ വഴി . ഇതിനായി നിങ്ങൾ ജാവ,C++ എന്നീ പ്രോഗ്രാമ്മിംഗ് ലാംഗ്വേജ് ഒന്നും പഠിക്കണമെന്നില്ല .

ആണ്ട്രോയിട് ആപ്ലികെഷനുകൾ സാധാരണയായി നിർമിക്കുക ഗൂഗിളിൻറെ ആണ്ട്രോയിട് ഡവലപ്മെന്റ് കിറ്റ്‌ ഉപയോഗിച്ചാണ്‌ . ആണ്ട്രോയിട് ADT ഉപയോഗിച്ച് ആപ്ലികേഷനുകൾ നിർമിക്കുക തുടക്കക്കാരന് അത്ര എളുപ്പമല്ല അതിനാൽ  തന്നെ തുടക്കക്കാർക്ക് നല്ലത് ഓണ്‍ലൈൻ സർവിസുകൾ ആണ് .



ഇവിടെ ഞാൻ നിങ്ങൾക്ക് പരിചയപ്പെടുത്തുന്നത് ഓണ്‍ലൈൻ ആപ്ലികേഷൻ മേക്കർ സർവീസ് ആയ www.mobincube.com ആണ്. mobincub ഇൽ സൗജന്യമായി അക്കൗണ്ട്‌ തുടങ്ങാവുന്നതാണ് , അക്കൗണ്ട്‌ തുടങ്ങിയ ശേഷം നിങ്ങളുടെ യൂസർ നെയിമും പാസ്സ്‌വേർഡ്ഉം ഉപയോഗിച്ച് ലോഗിൻ ചെയ്യുക. ഹോം പേജിൽ കടന്നാൽ അതിൽ ഒരു + സൈൻ കാണാം അതിൽ ക്ലിക്ക് ചെയ്താൽ നിങ്ങളുടെ ആദ്യത്തെ മൊബൈൽ ആപ്ലികേഷന്റെ വർക്ക്‌ തുടങ്ങുകയായി . അതിനു ശേഷം നിങ്ങൾ ചെയ്യേണ്ട കാര്യങ്ങൾ വെബ്‌സൈറ്റ് തന്നെ പഠിപ്പിക്കും .  എഡിറ്റിംഗ് വർക്ക്‌ എല്ലാം ചെയ്തു തീർന്നാൽ നിങ്ങൾക്ക് നിങ്ങളുടെ ആണ്ട്രോയിട് ഫോണിൽ തന്നെ ആപ്ലികേഷൻ ഡെമോ ഡൌണ്‍ലോഡ് ചെയ്യാം. ശേഷം വീണ്ടും ചെയ്യേണ്ട എഡിറ്റിംഗ് വർക്കുകൾ തീരുമാനിക്കുകയും ചെയ്യാം . എല്ലാ വർക്കുകളും തീർന്നാൽ ആപ്ലികേഷൻ പബ്ലിഷ് ചെയ്യാം. ഇതിനായി ആദ്യം mobincube  വെബ്‌ സൈറ്റിൽ തന്നെ പബ്ലിഷ് ചെയ്യണം ശേഷം നിങ്ങൾക്ക് നിങ്ങളുടെ ആണ്ട്രോയിട് ഫയൽ ഡൌണ്‍ലോഡ് ചെയ്യാം. .APK എന്ന എക്സ്റ്റൻഷൻ ഫയൽ ആണ് ഡൌണ്‍ലോഡ് ആകുന്നത് ഇത്  ഗൂഗിൾ പബ്ലിഷർ അക്കൌണ്ടിൽ അപ്‌ലോഡ്‌ ചെയ്താൽ നിങ്ങളുടെ മൊബൈൽ ആപ്ലികേഷൻ റെഡി . ഗൂഗിൾ പ്ലേ സ്റ്റോറിൽ നിന്നും ഇത് ഡൌണ്‍ലോഡ് ചെയ്യുവാനും സാധിക്കും .

ഈ പ്രോസ്സസ്സിന്റെ വീഡിയോ കാണുവാൻ ക്ലിക്ക് ചെയ്യുക 

http://youtu.be/oQI4rPWM-3Q



Nisamudheen  ALI

Mail your comments or feedbacks to alinisamudheen@gmail.com

ഫിയറ്റിന്റെ ക്രോസ് ഓവർ - അവെഞ്ചുറ

ഫിയറ്റ് ഇന്ത്യയിൽ അവതരിപ്പിച്ച ഏറ്റവും പുതിയ ക്രോസ് ഓവർ കാർ ആണ് അവെഞ്ചുറ. സാഹസികത ഇഷ്ടപ്പെടുന്നവർക്ക് വേണ്ടിയുള്ള കാർ എന്നാണ് ഫിയറ്റ് ഇതിനെ വിശേഷിപ്പിക്കുന്നത്. അവെഞ്ചുറയുടെ ഡീസൽ മോഡലിൽ 20.5kmpl  ഉം പെട്രോൾ മോഡലിൽ 14.4kmpl ഉം ആണ് കമ്പനി അവകാശപ്പെടുന്ന മൈലേജ്

പെട്രോളിൽ ആക്റ്റീവ്, ഡൈനാമിക് എന്നീ രണ്ടു വേരിയെന്റുകളും ഡീസലിൽ ആക്ടിവ്, ഡൈനാമിക്, ഇമോഷൻ എന്നീ മൂന്നു വേരിയെന്റുകളും ലഭിക്കും.ഓറഞ്ച്, വൈറ്റ്,ബ്ലാക്ക്‌,ഗ്രേ തുടങ്ങി ആര് നിറങ്ങൾ അവെഞ്ചുറക്ക് ഉണ്ട്.

ഫിയറ്റിന്റെ പ്രശസ്തമായ 1.3L  DDIS എഞ്ചിൻ ആണ് ഡീസലിൽ ഉപയോഗിക്കുന്നത്.1.4 L  F .I .R .E  എഞ്ചിൻ പെട്രോളിലും ഉപയോഗിക്കുന്നു.

കൊച്ചി എക്സ് ഷോറൂം വില 

പെട്രോൾ 

ആക്ടിവ്- Rs 615622
ഡൈനാമിക് - Rs 723975

ഡീസൽ 

ആക്ടിവ്- Rs 707619
ഡൈനാമിക് - Rs 785321
ഇമോഷൻ - Rs 838479

വെബ്‌ സൈറ്റ് സന്ദർഷിക്കാൻ ക്ലിക്ക് ചെയ്യൂ

http://www.fiat-india.com/avventura/

നിങ്ങളുടെ കാറിനു ആവശ്യമായ എക്സ്ട്രാ ഫിറ്റിങ്ങ്സ് എന്തൊക്കെ?

എക്സ്ട്രാ  ഫിറ്റിങ്ങ്സ് എന്നത് ഇന്ന് പലപ്പോഴും ഒഴിച്ച് കൂടാനാകാത്ത ഒന്നാണ് . എല്ലാ വാഹനങ്ങളിലും അതുപയോഗിക്കുന്ന ആൾക്ക് ആവശ്യമുള്ളതായ എല്ലാ ഫീച്ചേർസും ഉണ്ടാകണമെന്നില്ല. അതിനാലാണ് പലരും പലപ്പോഴും എക്സ്ട്രാ ഫിറ്റിങ്ങ്സ് ചെയ്യുന്നത് 

കാർ കവർ 

കാർ ഉപയോഗിക്കുകയും എന്നാൽ പാർക്ക്‌ ചെയ്യാൻ ഗാരേജോ കാർ പോർച്ചോ ഇല്ലാതിരിക്കുകയും ചെയ്യുന്നവർ തീർച്ചയായും വാങ്ങിയിരിക്കേണ്ട ഒന്നാണ് കാർ കവർ. സൂര്യനിൽ നിന്നുള്ള ആൾട്രാവയലെറ്റ് രശ്മികളിൽ നിന്നും മറ്റും കാർ കവർ കാറിനു സംരക്ഷണം നല്കുന്നു.കാർ കവറുകൾ തിരഞ്ഞെടുക്കുമ്പോൾ ഗുണനിലവാരം ഉള്ളത് തന്നെ എന്ന് ഉറപ്പു വരുത്തുക അല്ലാത്ത പക്ഷം കാറിന്റെ പെയിന്റിൽ ഉരഞ്ഞു പോറലുകൾ വീഴാൻ സാധ്യത കൂടുതലാണ്.

സീറ്റ്‌ കവർ 

കാറിന്റെ ഒറിജിനൽ സീറ്റിനു സംരക്ഷണം നൽകുന്നതാണ് സീറ്റ്‌ കവറുകൾ. കൂടാതെ കാറിന്റെ ഇന്റീരിയർ മനോഹരമാക്കാനും സീറ്റ്‌ കവർ ഉപയോഗിക്കാം. കാറിന്റെ ഒറിജിനൽ സീറ്റ്‌ കറ പിടിക്കാതിരിക്കാനും,കീറലുകൾ കൂടാതെ മറ്റു അഴുക്കുകൾ തുടങ്ങിയവ പിടിക്കാതിരിക്കാനും ആയി നിർബന്ധമായി ചെയ്യേണ്ട ഒന്ന് തന്നെയാണ് സീറ്റ്‌ കവറുകൾ 

ഫ്ലോർ മാറ്റ്‌ 

ദിവസേനയുള്ള ഉപയോഗത്തിലൂടെ കാറിന്റെ അകത്തു പൊടിയും, മണ്ണും ,ചെളിയുമൊക്കെ വരുന്നുണ്ട് ഇത് അഴ്ച്ചയിലോരിക്കലെങ്കിലും വൃത്തിയാക്കേണ്ടതുണ്ട് .ഫ്ലോർ മാറ്റ്‌ കാറിന്റെ അകത്തു ചെയ്താൽ കാറിന്റെ ഫ്ലോർ വൃത്തിയാക്കാൻ എളുപ്പമാണ് . ഫ്ലോർ മാറ്റ്‌ ഇല്ലാത്ത പക്ഷം കാറിന്റെ ഇന്റീരിയർ വൃത്തിയാക്കുക എന്നുള്ളത് വളരെ ശ്രമകരമായ ഒന്നായിരിക്കും.

സെൻട്രൽ ലോക്ക് 

സെൻട്രൽ ലോക്ക് കാറിന്റെ സുരക്ഷ വർധിപ്പിക്കുന്ന ഒന്നാണ് . വളരെ എളുപ്പത്തിൽ കാർ ലോക്ക് ചെയ്യുവാനും അണ്‍ലോക്ക് ചെയ്യുവാനും സെൻട്രൽ ലോക്ക് സഹായിക്കുന്നു. ഇന്ന് മാർകെറ്റിൽ ലഭിക്കുന്ന സെൻട്രൽ ലോക്കിൽ എല്ലാത്തിലും തന്നെ റിമോട്ട് വഴി  കാർ ലോക്ക് ചെയ്യുവാനും അണ്‍ലോക്ക് ചെയ്യുവാനും കഴിയും. കൂടാതെ കാർ ഓടി തുടങ്ങിയാൽ ഓട്ടോമാറ്റിക് ആയി ലോക്ക് ആകുമെന്ന സൗകര്യവും സെൻട്രൽ ലോക്കിൽ ഉണ്ട് 

 അണ്ടർ ബോഡി കോട്ടിംഗ് 

കേരളത്തിൽ പൊതുവേ അന്തരീക്ഷത്തിൽ ഈർപ്പം കൂടുതൽ ആണ് കൂടാതെ മഴക്കാലം ഏകദേശം 6 മാസം വരെ നീണ്ടു നില്കാറുമുണ്ട് അതിനാൽ തന്നെ കാറിന്റെ അടിഭാഗം തുരുമ്പ് എടുക്കാനുള്ള സാധ്യതയും കൂടുതൽ ആണ് .അണ്ടർ ബോഡി കോട്ടിംഗ് റബ്ബർ മെറ്റീരിയൽ ഉപയോഗിച്ചുള്ള ഒരു കോട്ടിംഗ് ആണ് . ഇത് കാറിന്റെ അടി ഭാഗം തുരുമ്പ് എടുക്കുന്നതിൽ നിന്നും സംരക്ഷിക്കുന്നു.

ബ്ലൂടൂത്ത് കണക്ടർ 

വാഹനം ഓടിക്കുമ്പോൾ മൊബൈൽ ഫോണിൽ സംസാരിക്കുക എന്നത് ആരും തന്നെ റെക്കമെന്റ്  ചെയ്യാത്ത ഒന്നാണ് . എന്നാൽ ചിലപ്പോഴെങ്കിലും ചില അടിയന്തിര സാഹചര്യങ്ങളിൽ പലരും വാഹനം ഓടിച്ചു കൊണ്ട് തന്നെ മൊബൈൽ ഫോണ്‍ ഉപയോഗിക്കുന്നു. ഈയൊരു സാഹചര്യം ഒഴിവാക്കാനായി ഉപയോഗിക്കാവുന്ന ഒന്നാണ് ബ്ലൂടൂത്ത് കണക്ടർ .ഇന്നത്തെ സാഹചര്യത്തിൽ ഒഴിവാക്കാനാവാത്ത ഒന്നായി ഇത് മാറിയിരിക്കുന്നു 

                                                      

വാക്വം ക്ലീനെർ 

കാറുകൾക്കു മാത്രമായി ഉപയോഗിക്കാവുന്ന തരത്തിലുള്ള വാക്വം ക്ലീനെർ ഇന്ന് ലഭ്യമാണ് . ഇത് കാറിന്റെ ആക്സസ്സറി സോക്കറ്റിൽ കണക്ട് ചെയ്ത ഉപയോഗിക്കാൻ കഴിയുന്ന ഒന്നാണ്. 


                      

റിവേർസ് പാർക്കിംഗ് സെൻസർ 

കാറുകൾ റിവേർസ് എടുക്കുന്ന സമയത്ത് കാറിന്റെ പിന്ഭാഗത്ത്‌ ഉള്ള തടസ്സങ്ങളെ പറ്റി മുന്നറിയിപ്പ് തരുന്ന ഒന്നാണ് റിവേർസ് പാർക്കിംഗ് സെൻസർ. കാറിന്റെ പിന്ഭാഗത്ത്‌ ഫിറ്റ്‌ ചെയ്തിട്ടുള്ള 4  സെൻസറുകൾ ഉപയോഗിച്ചാണ്‌ ഇത് വർക്ക് ചെയ്യുന്നത് . കാറിന്റെ അകത്തു ഡിസ്പ്ലേയും ഒപ്പം ഉണ്ടാകും ഈ ഡിസ്പ്ലേ പുറകിലെ തടസ്സം എത്ര അകലത്തിലാണ് ഉള്ളതെന്ന് കാണിച്ചു തരും. വീട്ടിൽ കൊച്ചു കുട്ടികളും മറ്റും ഉണ്ടെങ്കിൽ ഇത് നിര്ബന്ധമായും ഫിറ്റ്‌ ചെയ്തിരിക്കേണ്ട ഒന്നാണ്.

കാർ ചാർജേർ 

ഇന്ന് ഇത് ഒട്ടു മിക്ക എല്ലാ കാറുകളിലും തന്നെ സാധാരമാണ് . കാർ ഡ്രൈവ് ചെയ്യുന്ന സമയത്ത്  മൊബൈൽ ഫോണ്‍ ചാർജ് ചെയ്യുക എന്നുള്ളതാണ് ഇതിന്റെ പ്രവർത്തനം. എന്നാൽ ഇന്ന് കൂടുതൽ ഉപയോഗം ഉള്ള ചാർജേർ എന്നാൽ പവർ ബാങ്കുകളാണ് . എവിടെയും ഉപയോഗിക്കാം എന്നുള്ളതാണ് ഇതിന്റെ പ്രത്യേകത 


                

ഫോഗ് ലാമ്പ് 

ഫോഗ് ലാമ്പ് എല്ലാ കാറുകളിലും അത്യാവശ്യം ഉള്ള ഒന്നാണ് . ഹൈറേഞ്ച് ഭാഗങ്ങളിലേക്ക് പ്രത്യേകിച്ച് കോട മഞ്ഞുള്ള ഭാഗങ്ങളിലേക്ക്  പോകുമ്പോഴാണ് ഇതിന്റെ ആവശ്യം നമ്മൾ തിരിച്ചറിയുക. ഫോഗ് ലാമ്പുകൾ ഇല്ലാതെ കോട മഞ്ഞിലൂടെ വാഹനം ഓടിക്കുക വളരെ ശ്രമകരം ആണ് 




മറ്റു ചില കാർ ആക്സസ്സറീസ് - മട്ഫ്ലാപ് , റൈൻ ഗാർഡ് ,അല്ലോയ് വീൽ,മ്യൂസിക്‌ സിസ്റ്റം, സൈഡ് മോൾഡിംഗ്സ്,സ്റ്റിയറിംഗ് ഗ്രിപ്പ് ...............




നിസാമുദ്ദീൻ അലി 
alinisamudheen@gmail.com 

നിങ്ങളുടെ കാറിന്റെ മൈലേജ് എങ്ങനെ വർധിപ്പിക്കാം

 നിങ്ങളുടെ കാറിന്റെ മൈലേജ് എങ്ങനെ വർധിപ്പിക്കാം

വാഹന ഉപയോക്താക്കളായ പലരും ഉന്നയിക്കാറുള്ള ഒരുപ്രശ്നമാണ് കാറിനു മൈലേജ് പോര എന്നുള്ളത്. കമ്പനിപറയുന്ന മൈലേജ് കിട്ടുന്നില്ല എന്നുള്ളതാണ് മറ്റു ചിലരുടെപരാതി. കാറിന്റെ മൈലേജ് വർധിപ്പിക്കാൻ എന്തൊക്കെചെയ്യണം എന്ന് നമുക്ക് നോക്കാം

1) സർവീസ് - ഏറ്റവും ആദ്യം ചെയ്യേണ്ട  കാര്യം കാറിന്റെറെഗുലർ സർവീസ് എല്ലാം കൃത്യമായി ചെയ്യുകഎന്നുള്ളതാണ്.അല്ലാത്ത പക്ഷം ഇന്ധനം അധികമായിചിലവാകാനുള്ള സാധ്യത കൂടുതലാണ്

2)ടയർ പ്രഷർ- കാറിന്റെ ടയർ പ്രഷർ കമ്പനി റെക്കമെൻറ്ചെയ്യുന്ന തരത്തിൽ തന്നെ സെറ്റ് ചെയ്യുക . ടയർ പ്രഷർകമ്പനി റെക്കമെൻറ് ചെയ്യുന്നത് എത്ര എന്നറിയാൻ കാറിന്റെഡ്രൈവർ സൈഡിലെ ഡോർ തുറന്നു ചെക്ക് ചെയ്താൽ മതികാണുവാൻ സാധിക്കും. ടയർ പ്രഷർ റെക്കമേന്റെഷനിലുംഅധികമായാൽ കാറിന്റെ കണ്ട്രോൾ നഷ്ടപ്പെടാനുള്ള സാധ്യതകൂടുതലാണ് കൂടാതെ യാത്രാ സുഖംകുറയുകയും ചെയ്യും.ടയർ പ്രഷർ റെക്കമെന്റെഷനിലും കുറഞ്ഞാൽ ടയറും റോഡുംതമ്മിലുള്ള ഫ്രിക്ഷൻ കൂടുകയും അത്  മൂലം വണ്ടിയുടെമൈലേജ് കുറയുകയും ഒപ്പം തന്നെ ടയറിന്റെ തേയ്മാനംകൂടുകയും ചെയ്യും. അതിനാൽ കമ്പനി റെക്കമെന്റ് ചെയ്യുന്ന ടയർ പ്രഷർ കൃത്യമായി തന്നെ നിലനിര്ത്തുക. ഒട്ടു മിക്ക എല്ലാ പെട്രോൾ ബങ്കുകളിലും ഇന്ന് ടയർ പ്രെഷർചെക്ക് ചെയ്യാനും അത് സെറ്റ് ചെയ്യുവാനുമുള്ള സൗകര്യംഇന്ന് സൗജന്യമായി ലഭ്യമാണ്.കൂടാതെ കാറിന്റെ ആക്സസറി സോകെടിൽ കണക്ട് ചെയ്തു ഉപയോഗിക്കാൻ കഴിയുന്ന മിനി പമ്പുകളും ഇന്ന് ലഭ്യമാണ്                                                                         

                          

3)ഗിയർ ഷിഫ്റ്റ്, സ്പീഡ്- കാറിന്റെ ഗിയർ കൃത്യ സമയത്ത്ഷിഫ്റ്റ് ചെയ്യുക എന്നുള്ളത് മൈലേജിനെ ബാധിക്കുന്നവളരെ പ്രധാനപ്പെട്ട ഒന്നാണ്. എഞ്ചിൻ RPM ഒരു പരിധിയിൽകൂടുതൽ ഉയർത്താതെ കാറിന്റെ സ്പീഡ് 55-60 KMPH എത്തിക്കുക അതിനു കൃത്യ സമയത്ത് ഗിയർ ഷിഫ്റ്റ്ചെയ്യുകയാണ് വേണ്ടത്. ഗിയർ ഷിഫ്റ്റ് കൃത്യമായിചെയ്യേണ്ടത് എങ്ങിനെയെന്ന് താഴെ കൊടുക്കുന്നു .

                      10-15 KMPH - സ്പീഡിൽ 2ND ഗിയറിലേക്ക്മാറ്റുക

                      20-25 KMPH -സ്പീഡിൽ 3RD ഗിയറിലേക്ക് മാറ്റുക

                      30-35 KMPH - സ്പീഡിൽ 4TH ഗിയറിലേക്ക് മാറ്റുക

                        40-45 KMPH - സ്പീഡിൽ 5TH ഗിയറിലേക്ക്മാറ്റുക

ഇതിനു ശേഷം 5TH ഗിയറിൽ 55-60 KMPH സ്പീഡിൽ വാഹനംഓടിക്കുക.

മുകളിൽ പറയുന്ന കാര്യങ്ങൾ എല്ലാം ശ്രദ്ധിച്ചു വാഹനംഓടിച്ചാൽ നിങ്ങളുടെ വാഹനത്തിനു നിലവിൽകിട്ടുന്നതിനേക്കാൾ അധികം മൈലേജ് ഉറപ്പ്. ഇന്ധന വിലഉയര്ന്നു നില്കുന്ന നമ്മുടെ നാട്ടിൽ ഇന്ധനക്ഷമമായ രീതിയിൽവാഹനം ഓടിക്കുന്നതിന്റെ ആവശ്യകത പ്രത്യേകംപറയേണ്ടതില്ലല്ലോ . ഇനി മുതൽഇന്ധന ക്ഷമതയോടെ വാഹനം ഓടിക്കുവാൻ എല്ലാവരുംശ്രദ്ധിക്കുമല്ലോ അല്ലെ.

നിസാമുദ്ദീൻ അലി

alinisamudheen@gmail.com 

നിങ്ങളുടെ അഭിപ്രായങ്ങളും കമ്മെന്റുകളും പോസ്റ്റ് ചെയ്യുക

മാരുതി സുസൂകി ആൾട്ടോ K 10 ന്റെ പരിഷ്കരിച്ച മോഡൽ

മാരുതി സുസൂകി ആൾട്ടോ K 10 ന്റെ പരിഷ്കരിച്ച മോഡൽ 

മാരുതി സുസൂകിയുടെ നിലവിലുള്ള കാറായ ആൾട്ടോ K 10 ന്റെ പരിഷ്കരിച്ച മോഡൽ മാരുതി പുറത്തിറക്കി. നിലവിലുള്ള ആൾട്ടോ K 10 മായി  വലിയൊരു വ്യത്യാസം തന്നെയാണ് പുതിയ K 10 നു ഉള്ളത്. മാരുതി സുസൂകിയുടെ തന്നെ ബെസ്റ്റ് സെല്ലർ ആയ ആള്ട്ടോ 800 മായി സാമ്യം തോന്നുന്ന ഡിസൈൻ ആണ് പുതിയ കാറിനുള്ളത്  .മാരുതിയുടെ   K -NEXT എഞ്ചിൻ  ആണ് ഈ കാറിനെ പവർ ചെയ്യുന്നത്  . സേലെറിയോ യിൽ ഉള്ളത് പോലത്തെ ഓട്ടോ ഗിയർ ഷിഫ്റ്റ്‌ ഉള്ള വേരിയന്റ് പുതിയ ആൾട്ടോ K -10 ലും ലഭിക്കും. ഇന്റീരിയറി ൽ പിയാനോ ഫിനിഷ കൊടുത്തിട്ടുണ്ട് ,മ്യൂസിക്‌ സിസ്റെതിൽ  i Pod കണക്റ്റിവിടിയും ഉണ്ട്. 177 Litre ആണ് ബൂട്ട് സ്പേസ് 

ആൾട്ടോ K 10 ന്റെ മാക്സിമം പവർ 68PS@6000RPM ഉം ടോർക്ക് 90NM@3500RPM ഉം ആണ്. മൈലേജ് മാനുവൽ ട്രാൻസ്മിഷനിലും ഓട്ടോ ഗിയർ ഷിഫ്ടിലും 24.07 കെ എം പി എൽ ആണ് . ആൾട്ടോ K 10 ന്റെ മറ്റൊരു പ്രത്യേകത ഇതിന്റെ ആക്സലറേഷൻ ആണ് 0-60 KM സ്പീഡിൽ എത്താൻ വെറും 5.3 സെക്കന്റ്സ് മതി 

OVERALL LENGTH-3545mm

OVERALL WIDTH- 1490mm/1515mm(with body side mouldings)

OVERALL HEIGHT-1475mm

WHEEL BASE-2360mm

GROUND CLEARANCE-160mm

TYRE SIZE-155/65 R13

കൊച്ചി എക്സ് ഷോറൂം വില -3.18 Lakhs-3.73 Lakhs 

മാരുതി സുസുകിയുടെ പരിഷ്കരിച്ച സ്വിഫ്റ്റ് പുറത്തിറക്കി

ഇന്ത്യൻ കാർ വിപണിയിലെ മുൻനിര കാർ നിർമാതാവായ മാരുതി സുസുകി നിലവിലുള്ള സ്വിഫ്റ്റ് കാറിന്റെ പരിഷ്കരിഷ്കരിച്ച മോഡൽ പുറത്തിറക്കി. 

പുറമേ നിന്നും നോക്കിയാൽ വലിയ വ്യത്യാസങ്ങളൊന്നും തന്നെ മാരുതി വരുത്തിയിട്ടില്ല ബമ്പർ, ഗ്രിൽ, ഹെഡ് ലാമ്പ് എന്നീ ഭാഗങ്ങളിൽ ചെറിയ ചില  വ്യത്യാസങ്ങൾ ഉണ്ട് . ഇതിൽ പ്രധാനമായും പറയേണ്ടത് ഹെഡ് ലാംപിനോട് ചേർന്ന് L ഷേയ്പ്പിൽ വരുന്ന സിൽവർ അക്സേന്റ്റ് ആണ് .സ്മാർട്ട്‌ കീ ഉപയോഗിച്ച് കൊണ്ടുള്ള പുഷ് ബട്ടണ്‍ സ്റ്റാർട്ട്‌ , ഇലക്ട്രിക്‌ ഫോൾഡിംഗ് മിറർ , പാർക്കിംഗ് സെൻസർ , 60:40 അനുപാതത്തിൽ മടക്കാവുന്ന പിൻസീറ്റുകൾ,ബ്ലുടൂത്,പുതിയ അലോയ് ഡിസൈൻ എന്നിവയാണ് മറ്റു പ്രധാന ഫീച്ചറുകൾ 

സ്വിഫ്റ്റിന്റെ പെട്രോൾ മോഡലിലെ  1197 cc K -സീരീസ്‌ എഞ്ചിനിൽ നിന്നും ലഭിക്കുന്ന മാക്സിമം പവർ  84.3 PS@ 6000 RPM ഉം മാക്സിമം ടോർക്ക് 115NM@4000 RP M ഉം ആണ്.സ്വിഫ്റ്റ് പെട്രോൾ കാറിന്റെ എ ആർ എ ഐ സാക്ഷ്യപ്പെടുത്തിയ മൈലേജ് 20.4 കെ എം പി എൽ ആണ് 

സ്വിഫ്റ്റ് ഡീസലിൽ 1248 cc DDIS എഞ്ചിനിൽ നിന്നും ലഭിക്കുന്ന മാക്സിമം പവർ 75 PS@4000 RPM ഉം മാക്സിമം ടോർക്ക് 190NM@2000 RPM ഉം ആണ് .സ്വിഫ്റ്റ് ഡീസലിന്റെ എ ആർ എ ഐ സാക്ഷ്യപ്പെടുത്തിയ മൈലേജ് 25.2 കെ എം പി എൽ ആണ് 

TOTAL LENGTH-3850mm

TOTAL WIDTH-1695mm

WHEEL BASE-2430mm

GROUND CLEARANCE-170mm

TYRE SIZE- 165/80 R14(LXi,VXi,LDi,VDi), 185/65 R15(ZXi,ZDi)

LXi,VXi,ZXi(PETROL), LDi,VDi,ZDi(DIESEL) എന്നിങ്ങനെയാണ് വേരിയെന്റ്സ് 

കൊച്ചി എക്സ് ഷോറൂം വില (പെട്രോൾ)- 4.61Lakh  -6.12Lakh  

കൊച്ചി എക്സ്  ഷോറൂം വില (ഡീസൽ)-5.8Lakh-7.19Lakh